टोमॅटोची चटणी : (पंच फोरन )

साहित्य : तीन मध्यम आकाराचे छान लाल पण घट्ट टोमॅटो, पाव  चमचा मेथी दाणे, अर्धा चमचा बडीशेप, एक मूठ बेदाणे मध्ये चिरून, ३ तिखट लाल मिरच्या, २ पाने तमालपत्र, अर्धा इंच दालचिनी, २ चमचे तेल, मीठ

कृती : टोमॅटो धुऊन कोरडे करून बारीक चिरून घ्या.

फोडणीचे सर्व साहित्य काढून ठेवा

बेदाणे चिरून ठेवा
कढईत तेल मध्यम आचेवर गरम करून घ्या
त्यात मेथीदाणे , बडीशेप, दालचिनी , तमालपत्र आणि लाल मिरच्या या क्रमाने घालून फोडणी करून घ्या.
बेदाणे घालून थोडे परतून घ्या.

चिरलेला टोमॅटो घालून झाकण ठेवून कमी आचेवर एक वाफ येऊ द्यात.

पुन्हा परतून त्यात मीठ घाला, हवी असल्यास थोडी साखर घाला. (बेदाण्यामुळे गोड चव आधीच आलेली असते)
पाणी सुटेल, परतून ते आटू द्यात.
चटणी किंवा भाजी म्हणून खाता येते. मेथी, बटाट्याच्या किंवा कोणत्याची पराठ्यासोबत जास्त चांगली लागते.

लागणारा वेळ : २० मिनिटे
२/३ व्यक्तींसाठी